Hótel Selfoss er staðsett við bakka Ölfusár á Selfossi með fagra fjallasýn í hjarta Suðurlands. Staðsetning hótelsins hentar einstaklega vel fyrir þá sem ætla að njóta alls þess besta í boði á Selfossi hvort sem um er að ræða heimsókn í miðbæinn á viðburði eða spennandi afþreyingakosti sem Suðurlandið hefur upp á að bjóða. Hótel Selfoss býður upp á vel útbúin herbergi með gervihnattasjónvarpi, háhraða tölvutengingu, síma,, hárþurrku og öryggishólfi. Auk þess er boðið uppá almenna herbergisþjónustu fyrir gesti Hótel Selfoss. Fullkomin veislu-, funda- og ráðstefnuaðstaða er á hótelinu sem tekur allt að 450 manns í sæti. Auk þess er notalegur bar á hótelinu, tengdur veitingastaðnum. Riverside restaurant er glæsilegur veitingastaður sem er á hótelinu, með stórfenglegu útsýni yfir Ölfusá og Ingólfsfjall. Veitingastaðurinn tekur allt að 200 manns í sæti. Riverside Spa heilsulind á Hótel Selfossi, er eins og vin í eyðimörkinni. Notalegur staður í hlýju og glæsilegu umhverfi þar sem samspil íslenskrar náttúru er í hávegum haft með vatni, eldi og ís.